Павлодарда ер адам 15 жастағы қызға зорлық-зомбылық көрсетіп, 250 мың теңге ұрлап кеткен
48 жастағы тұрғын ұсталды
Павлодарлық полицейлер қарақшылық шабуыл жасаған күдіктіні «ізін суытпай» ұстады Полицияға қала тұрғыны келіп, қарақшылық шабуыл туралы хабарлады. Дереу оқиға орнына жедел-тергеу тобы жіберілді, деп хабарлады Azattyq Ruhy.
Анықталғандай, белгісіз ер адам Бұқар Жырау көшесіндегі үйге заңсыз кіріп, 2008 жылы туған кәмелетке толмаған қызға зорлық-зомбылық көрсетіп, тапаншаға ұқсас затпен қорқытып, 250 000 теңге қаражатын иемденген.
«Арнайы іс-шаралар басталды, оның барысында полицейлердің кәсібилігі мен жеделдігінің арқасында облыс орталығының 48 жастағы тұрғыны "ізін суытпай" ұсталды. ҚР ҚК 192-бабы 3-бөлігі бойынша сотқа дейінгі тергеу жүргізілуде. Ұсталған адам УҰИ-ге қамалды. Тергеу жалғасуда», - деп хабарлады ІІМ.