Бірақ экс-генералдың соты қай облыста өтетіні айтылған жоқ
Полиция департаментінің бұрынғы бастығы Серік Күдебаев шетелге басқа облыстан қашқандықтан оның соты Жетісу облысында болмайды. Бұл туралы өңір прокуроры Мадияр Басшыбаев мәлім етті, деп хабарлайды Azattyq Rýhy.
«Бұл қылмыс Жетісу облысының территориясында емес, басқа өңірде орын алған. Сондықтан іс сол жақта зерттелуде. Неғұрлым сенімді ақпарат алу үшін ресми сауалмен сол өңірдің прокурорына жүгінулеріңіз қажет», - деді Мадияр Басшыбаев.
Бірақ прокурор экс-генералдың соты қай облыста өтетінін нақтылаған жоқ.