Елорда әкімі астаналықтарды қала күнімен құттықтады
Астана қаласының әкімі Жеңіс Қасымбек елорданың 25 жылдық мерейтойымен құттықтады, деп хабарлайды Azattyq Ruhy.
«Құрметті елорда тұрғындары мен қонақтары! Астанамыздың 25 жылдық мерейтойымен шын жүректен құттықтаймын! Астана - үлкен армандар орындалатын қала. Елордамызға еліміздің барлық өңірінен адамдар келеді. Мұнда білім алып, карьера жасайды, шаңырақ көтереді. Астанада биік арман-мақсаттардың жүзеге асуы үшін мүмкіндіктің бәрі бар», деп атап өтті Жеңіс Қасымбек.
Сонымен қатар, ширек ғасыр ішінде елорда арқа даласындағы 300 мың тұрғыны бар шағын қаладан ірі мегаполиске айналғанын, елорда тұрғындары осы уақыт ішінде 4 еседен астам өсткенін айтып, сөзін сабақтаған.
«Елордамыздың қалыптасу жолында әрқайсысыңыздың орныңыз бар. Әрбір азамат қаламыздың дамуына өз үлесін қосып келеді. Елордамыздың дамуы үшін жұдырықтай жұмылып, бірге жұмыс істейміз. Елорда күні құтты болсын! Сіздерге мықты денсаулық, отбасыларыңызға бақыт, зор жетістік және амандық тілеймін!», деп жазды елорда әкімі.