Жұмыс берушілерді анықтау және жауапкершілікке тарту жұмыстары жүргізіліп жатыр
Африкадан келген заңсыз мигранттар Қонаев қаласындағы құрылыстардың бірінде еңбек еткен, деп хабарлайды Azattyq Rýhy Polisia.kz-ке сілтеме жасап.
Полиция африкалық заңсыз мигранттарды «Мигрант» жедел алдын алу шарасы кезінде анықтаған.
«21 маусымда Қонаев қаласында орналасқан мектептердің бірінде ғимаратты жөндеп жүрген африкалық азаматтар анықталды. Олардың тоғызы Нигерия, екеуі Камерун елдерінен келген», - деп мәлім етті полициядан.
Заңсыз мигранттардың құжаттарын тексергенде Қазақстан Республикасының көші-қон саласындағы заңнаманы бұзғаны анықталған.
Жұмыс берушілерді анықтау және жауапкершілікке тарту жұмыстары жүргізіліп жатыр.