Ақсу ферроқорытпа зауытындағы ірі өрт сөндірілді

Павлодар облыстық Төтенше жағдайлар департаментінің өрт сөндірушілері зауыттағы ірі өртті жойды, деп хабарлайды Azattyq Ruhy Төтенше жағдайлар министрлігіне сілтеме жасап.

Ақсу ферроқорытпа зауытында трансформатордағы өрт 21 маусым күні, сағат 16.00-де шыққан болатын. Жоғары температура әсерінен ғимараттың төбесі опырылып, өрт сөндіруші зардап шекті. Ол ауруханаға жатқызылды. Жағдайы орташа ауыр.

«Жалын тараған жалпы аумақ 200 шаршы метрді құрады. Өрт сөндіруші қолынан жарақат алып, ауруханаға жатқызылды. Оқиға орнында ТЖД-нң 53 қызметкері мен 13 техникасы жұмыс істеді. Өрт сөндірушілердің батылдығы мен күш-жігерінің арқасында тілсіз жау 20:52-де оқшауланып, 22:40-та толығымен жойылды», делінген мәліметте.