Мәжіліс депутаты Абай облысындағы жағдайдың әлі де күрделі екенін айтты

Мәжілістегі «AMANAT» партиясының бірқатар депутаттары Абай облысына жол тартып, жергілікті жұртышылқыпен кездесті, деп хабарлайды Azattyq Ruhy.

Самат Нұртазаның айтуынша, өңірдегі жағдай әлі де күрделі.

«Техника ішінара жетіспеді. Менің ойымша, өрт аймағында техника көбірек болуы керек еді. Жалпы ТЖМ басшылығын ауыстыру бұрыннан қажет болды. Басшылықты ауысқаннан кейін оң нәтиже болады дегенге сенгім келеді, өйткені орман үлкен және 3-4-ақ тікұшақ ұшады. Бұл өте аз.

Біз өрт болған жерге жеттік, сонда болдық. Орманнан келген адамдардың киімдерінен тіпті түтінді де байқауға болады. Олар күйіп қалмас үшін орманға киімдерін ылғалдап кіреді. Яғни, бұл ауыр жұмыс, олар нағыз батырлар. Олардың жалақысы-110 мың теңге. Тіпті мұны айтудың өзі ұят. Осы проблемалық мәселелердің барлығы көтеріледі. Сәрсенбіде пленарлық отырыста біз бұл мәселені көтереміз деп ойлаймын», – деп атап өтті депутат.

Самат Нұртазамен бірге ТЖ орнында басқа депутаттар да болды. Олар осы өңірдің тумалары.

«Бұл біз үшін бөтен жер емес, бұл біздің ата-бабаларымыздың жері. Бізді қарсы алған - өңірден бізге немесе «AMANAT» партиясына дауыс берген адамдар. Мен көптеген адамдарды таныдым, өйткені мен үгіт – насихат кезінде Бородулиха, Бесқарағай аудандарында, Талица ауылында және т.б жергілікті жерлерде болдым. Осы сапарымызда олар өз тілектерін, талаптарын білдірді. Біз оның бәрін түртіп алдық, партияның Семей филиалының басшысы бізбен бірге болды. Қажет нәрсенің бәрін біз облыс басшылығына жеткіздік.

Біз колледж жатақханасында болған адамдарға бардық. Олар өздерінің малдары, бақшалары, үйлері үшін алаңдады. ІІМ, әрине, жақсы жұмыс істеді. Олар тонау болмас үшін ауылды қоршап алды. Біз сол бос қалған ауылға бардық. Полицейлер тікелей тізбекте тұр», - деп атап өтті Самат Нұртаза.