Оралда қоқыс жәшігінен шақалақ табылды

Автор: Azattyq Rýhy

Оқиғаның жай-жапсары анықталуда

Бүгін сағат 11:30 шамасында 102 операторына Надежда көшесіндегі 66-үйдің артындағы қоқыс жәшігінде целлофан пакетке оралған жаңа туған нәресте табылғаны туралы хабарлама келіп түсті, деп хабарлайды Azattyq Ruhy Батыс Қазақстан облысының полиция департаментіне сілтеме жасап.

​«Оқиға орнына келгеннен кейін қалалық көпсалалы ауруханаға шұғыл түрде жатқызылған ер бала анықталды.

​Аталған факт ҚР ҚК 119-бабы 1-бөлігі бойынша СДТБТ-ға тіркелді, тергеу амалдары жүргізілуде», делінген хабарламада.