Қазақстан ажырасу көрсеткіші бойынша әлемде екінші орында: Ұлттық статистика бюросы бұл мәліметті жоққа шығарды

Статистикалық деректерді зерттеумен айналысатын халықаралық World Population Review сайтының мәліметінше, Қазақстан ажырасу көрсеткіші бойынша әлемдік рейтингте екінші орында тұр, деп хабарлайды Azattyq Rýhy.

«2020 жылы бұрынғы Кеңес Одағының қатарында болған Қазақстан Республикасы ажырасу саны бойынша әлемде екінші орынға ие болды. Ажырасу көрсеткіші әр 1000 адамға - 4,6 келеді. Ресей (3,9), Бельгия (3,7) және Беларусь (3,7) оның артынан келеді. Америка Құрама Штаттары бұл тізімде 9- 12- орындар аралығында, жыл сайын бұл елде ажырасу деңгейі 1000 адамға шаққанда 2,7-ні құрайды. АҚШ-тың Невада штатында ажырасу көрсеткіші тым жоғары – 14% құрайды», - деп көрсеткен World Population Review сайты.

Ажырасу деңгейі ең жоғары 13 ел (жыл сайын, 1000 адамға шаққанда):

1. Мальдив аралдары – 5,52
2. Қазақстан – 4,6
3. Ресей – 3,9
4. Беларусь (тең ойын) – 3,7
5. Бельгия (тең ойын) – 3,7
6. Молдова – 3,3
7. Қытай – 3,2
8. Куба – 2,9
9. Украина – 2,88
10. Дания – 2,7
11. Латвия – 2,7
12. Литва – 2,7
13. АҚШ – 2,7

Еліміздің Ұлттық статистика бюросынан аталған деректердің қаншалықты рас екенін сұрап көрдік. Отандық статистер мұны жоққа шығарды.

«Елімізде 2021 жыл ажырасу дерегі – 1,00 құраса, 2020 жыл – 1,18 құрады. Ажырасу көрсеткішінің жоғары деңгейі 1990 жылдары болған. 20 жыл ішіндегі максимум көрсеткіш 2019 жылы – 3,23 жеткен», - деді маман.