Қазақстан үкіметі тұмауға қарсы ресейлік вакцинаның 2,5 миллион дозасын сатып алды

Қазақстанда ЖРВИ мен тұмауға қарсы вакцинация 15 қыркүйектен басталады

Қазақстанда маусымдық тұмауға қарсы вакцинация басталады. Ол үшін ресейлік вакцинаның 2,5 миллион дозасы сатып алынды. Бұл туралы Денсаулық сақтау бірінші вице-министрі Марат Шоранов мәлімдеді, деп хабарлайды Аzattyq Rýhy тілшісі.

«Тұмау маусымы» деп аталатын ЖРВИ-дің алдағы маусымына ерекше тоқталғым келеді. Ағымдағы жылы бюджет қаражатына Ресейде өндірілген «Гриппол плюс» вакцинасының 2,5 миллион дозасы сатып алынды. Бұл елдің жалпы халқының шамамен 13 пайызын қамтуға мүмкіндік береді», - деді Марат Шоранов ОКҚ онлайн-брифингінде.

Қазақстанда ЖРВИ мен тұмауға қарсы вакцинация 15 қыркүйектен басталады.

«Бас дәрігердің тиісті қаулысы қабылданды. Мемлекеттік бюджет қаражаты есебінен ең осал топтар егілетінін еске салғым келеді. Бұл бірінші кезекте балалар, медицина қызметкерлері, диспансерлік есепте тұрған адамдар, білім беру ұйымдарының балалары, ата-анасының қамқорлығынсыз қалған жетім балалар және т.б», - деп толықтырды Шоранов.

Оның айтуынша, тұмауға қарсы вакцинация жұмыс берушілер мен азаматтардың жеке қаражаты есебінен жүргізіледі.

«Тұмауға қарсы ақылы вакцинация жеке вакцинация орталықтарында және тұрғылықты жері бойынша емхананың егу кабинеттерінде жүргізіледі. Тұмауға қарсы вакцинация жүргізетін уәкілетті медициналық мекемелердің мекен-жайларын тұрғылықты жері бойынша Аумақтық санитарлық-эпидемиологиялық бақылау департаменттерінен және Денсаулық сақтау басқармаларынан білуге болады. Бюджет қаражатына сатып алынған «Гриппол плюс» вакцинасынан басқа, Қазақстанда үш өндірушіден тұмауға қарсы тағы төрт вакцина тіркелген», - деп қорытындылады Шоранов.

×
Бұл желілік ресурстың ақпараттық өнімдері 18 жастан асқан адамдарға арналған.