Бұйрық 2021 жылдың 9 тамызынан бастап күшіне енеді
Қазақстанда жаңа оқу жылының басталуы мен каникул датасы бекітілді. Тиісті бұйрыққа Білім және ғылым министрі Асхат Аймағамбетов қол қойды.
Құжатқа сәйкес, 2021-2022 оқу жылының басталуы – 2021 жылдың 1 қыркүйегі. Оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.
Оқу жылы ішіндегі каникул кезеңдері:
1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);
1-сыныптарда: қосымша каникул – 7 күн (2022 жылдың 7-13 ақпаны аралығында).