Мысырдан келген жолаушыдан коронавирус анықталды

15 ақпанда Қазақстан аумағына Мальдив, БАӘ, Мысыр, Түркия, Грузия, Ресей, Беларусь, Тәжікстан, Өзбекстан және Қырғызстан елдерінен 19 халықаралық әуе рейсімен 2 094 жолаушы келді. Олардың ішінде 1 711 жолаушының ПТР-анықтамасы болса, қалған 383 азаматта тиісті анықтама болмаған.

• Нұр-Сұлтан әуежайына – 10 рейс (889 жолаушы, анықтамамен - 776; анықтамасыз – 123);
• Алматы әуежайына – 6 рейс (916 жолаушы, анықтамамен - 742, анықтамасыз – 174);
• Ақтау әуежайына – 2 рейс (144 жолаушы, анықтамамен - 142, анықтамасыз – 2);
• Орал әуежайына – 1 рейс (135 жолаушы, анықтамамен - 51, анықтамасыз – 84).

Анықтамасыз келген Қазақстан азаматтары келген жері бойынша ПТР-тестілеуден өтіп, карантиндік стационарларда нәтижесін күтуде.

Сондай-ақ 14 ақпанда Қазақстанға ПТР-анықтамасыз келген 557 жолаушының бірінен коронавирус анықталды. Ол Шарм-эль-Шейх (Мысыр) қаласынан Нұр-Сұлтан әуежайына ұшып келген.