ШұғылҚазақстанда өткен тәулікте 2656 адамнан коронавирус инфекциясы анықталды

Тоқаев қаржы пирамидаларының құрбаны болғандар жайлы айтты

Президент бақылаушы орган өкілдерінің алдына бірқатар міндет қойды

Фото: akorda.kz

Қасым-Жомарт Тоқаев Бас прокуратураның, облыстардағы және республикалық маңызы бар қалалардағы прокуратуралар басшыларының қатысуымен бейне байланыс режимінде кеңес өткізді. Мемлекет басшысы кеңес барысында қаржы пирамидаларының құрбаны болған азаматтар жайында айтты.

«Мысал ретінде, көптеген азаматтарымыз қаржы пирамидаларының құрбаны болуда. Тек бір ғана қылмыстық іс бойынша 17 мыңнан астам жәбірленуші бар. Мұндай қылмыстық істерді жүзеге асыру үшін алаяқтар бірыңғай транзакцияларды бірнеше рет өткізіп барып, жоқ болады. Күмән тудыратын осындай белсенділікті уақытылы анықтаған жағдайда көптеген адамдарды шалыс басудан сақтап, алаяқтарды жазалауға болар еді. Қайта құрылған Қаржылық мониторинг агенттігі де бұл істен қалыс қалмауы керек. Бұл жерде қаржы мониторингінің ақпараттық ресурстарын пайдалануға болады», – деді Президент.

Мемлекет басшысы осы бағыттағы қылмыстың алдын алу үшін олармен толыққанды ынтымақтастық орнатқан жөнін, жалпы, прокуратура мұндай мәселелерде барынша белсенді, бастамашы болуға тиіс екенін айтты.