Мыңнан астам кәсіпорын жұмысшыларына жалақы төлемей келген

1 желтоқсандағы жағдай бойынша, Мемлекеттік еңбек инспекторлары 1069 кәсіпорнында 30,8 мың жұмыскер алдында 3,52 млрд теңге жалақы бойынша берешек бар екенін анықтады.

Аталған кәсіпорындардың басшыларына орындалуға міндетті 731 нұсқама беріліп, 97,6 млн теңгеден астам сома көлемінде айыппұл салынды. 

Оның ішінде жалақы бойынша берешекті өтеудің мерзімі мен кестесін қатаң белгілеу арқылы 29,5 мыңнан астам жұмыскердің құқығы қорғалып, оларға 3,4 млрд теңге төленді.   

Жалпы, жоғарыда көрсетілген кезеңде мемлекеттік еңбек инспекторлары 3,9 мың тексеру жүргізді. Еңбек заңнамасын бұзған 6,1 мыңнан астам факт анықталып, 174,3 млн теңге сомаға айыппұл салынды.