Өткен тәулікте мегаполисте 84 адамнан коронавирус анықталды
Алматы әкімі Бақытжан Сағынтаев қаладағы жағдай күрделенсе, режимнің күшейетінін айтты. Бұл туралы ол Instagram парақшасында жазды.
«Құрметті алматылықтар. Биылғы 2020 жыл біз үшін үлкен сабақ болды. Ең бастысы — босаңсымау. Пандемия басылған жоқ. Бүкіл әлемдегі жағдай да ушығып тұр. Алматы жұқтыру қаупінің «сары» аймағына енді. Баршаңызды санитарлық ережелерді қатаң сақтауға шақырамын. Жағдай күрделенсе, режимді күшейтеміз», - деп жазды Б. Сағынтаев.
Айта кетейік, Қазақстанда өткен тәулікте 826 адамнан коронавирус инфекциясы анықталды, олардың 84-і Алматы қаласында тіркелді.