Бұл күні автобустар мен автопарктерде дезинфекциялық жұмыстар жүргізіледі
13 қыркүйекте Нұр-Сұлтан қаласындағы қоғамдық көліктердің қозғалысы бір күнге тоқтатылады. Ол күні автобустар мен автопарктерде дезинфекциялық жұмыстар жүргізіледі, деп хабарлайды City Transportation Systems компаниясы.
«Сенбі күні қоғамдық көлік қалыпты жұмыс істейді. Жұмыс кестесі сағат 23:00-ге дейін. Дүйсенбі күннен бастап, 14 қыркүйекте қалалық және қала маңына қатынайтын автобустар линияға шығады», - делінген хабарламада.
Еске сала кетейік, қоғамдық көлікке бетперде тағып кіру керек. Жол жүру ақысы тек электронды түрде төленеді.