Шымкентте ұзақ жылдар бойы кезекте тұрған 40 отбасы үй алды

Бүгін Шымкентте ұзақ жылдар бойы баспана кезегінде тұрған 40 адам мен олардың отбасына жаңа пәтердің кілттері табысталды. Салтанатты рәсімге Шымкент қаласының әкімі Ғабит Сыздықбеков қатысты, деп хабарлайды Azattyq Rýhy Шымкент әкімдігіне сілтеме жасай отырып.

Әкімдіктің баспасөз қызметі хабарлағандай, жаңа үй алып отырған азаматтардың көбі ұзақ жылдар бойы баспана кезегінде тұрған. Қала әкімі жаңа үйлердің кілтін табыстай отырып, баспанаға мұқтаж тұрғындарға үй бару әкімдіктің әлеуметтік-экономикалық саладағы басым бағыты екенін ерекше атап өтті.

«Олардың арасында жетім балалар мен ата-анасының қамқорлығынсыз қалған балалар, мүгедектігі бар азаматтар, көпбалалы және ерекше қажеттілігі бар балаларды тәрбиелеп отырған отбасылар, сондай-ақ халықтың әлеуметтік осал топтарына жататын азаматтар бар», - деп хабарлайды әкімдіктің баспасөз қызметі. 

Шымкент қаласы тұрғын үй басқармасы басшысының міндетін атқарушы Көпжан Тілеубаевтың айтуынша, бұл тұрғындардың үйлері жеңіл ипотека арқылы рәсімделген.

«Азаматтар жаңа үйін қаладағы «Асар-2» шағын ауданындағы жаңа үйлерден алып жатыр.  Баспаналар «Отбасы банк» АҚ-ның жеңілдетілген несиелік бағдарламалары аясында рәсімделген. Тұрғындарды қолжетімді баспанамен қамтамасыз ету – қаланың әлеуметтік саясатының маңызды бағыттарының бірі», - деп атап өтті Көпжан Тілеубаева.

Айта кетейік, Шымкент қаласы Қазақстанда қарқынды дамып жатқан мегаполистің бірі. Қала әкімдігі тұрғындардың әлеуметтік жағдайын жақсартуға, инфрақұрылымды дамытуға үнемі баса назар аударады. Соның ішінде, Шымкент қаласының әкімдігі азаматтарды баспанамен қамту мәселесіне ерекше назар аударады. Мәселен, биыл көктемде Шымкент қаласының әкімдігі тұрғындарды қолжетімді баспанамен қамтамасыз ету аясында баспана кезегінде тұрған және жеңілдетілген несиелеу бағдарламаларына қатысқан тағы 50 отбасыға жаңа пәтердің кілтін табыстаған еді.

Одан кейін жазда Шымкентте тағы 30 отбасы баспаналы болды. Жаңа пәтерлердің кілтін қала әкімі салтанатты түрде табыстап, тұрғындарды маңызды оқиғамен құттықтады, оларға амандық, береке және шаңырақтарына құт-береке тіледі.

Бұдан басқа Шымкент әкімі «Қолжетімді баспана» бағыты бойынша 31 отбасына жаңа пәтерлерінің кілтін табыстаған еді.

Бұның бәрі әкімдіктің халықты баспанамен қамту саясатындағы үздіксіз жұмысы мен берік ұстанымдарын танытады.