Мүфтият Құран жарысынан бірінші орын алған жас қариге көлік мінгізді (ФОТО)

Қазақстан мұсылмандары діни басқармасы Ақтөбе қаласындағы «Нұр Ғасыр» мешітінде Құран Кәрімді жатқа және мәнерлеп оқудан ХV республикалық байқау өткізді, деп хабарлайды Azattyq Rýhy 

Мүфтияттың баспасөз қызметі таратқан ақпаратқа сүйенсек, Құран жарысына 80 адам қатысқан. Ал жеңімпазды Бас мүфти, ҚМДБ төрағасы Наурызбай қажы Тағанұлы марапаттаған. Жарысқа демеушілер қаржы бөлгені хабарланып отыр.

«Қазылар алқасының шешімімен Құранды толық жатқа айтқан маңғыстаулық Рахымжан Ержанұлы автокөлік жеңіп алды. Бұл аталым бойынша екінші орынды Ұлытау облысынан келген Ахмад Махмадраджабұлы жеңіп алып, 5 млн теңге ұтты. 3-орын иеленген Нұртілеу Серікұлы 4 млн теңге,  4-орын алған Бекзат Дулатұлы 2 млн теңге, 5-орын алған Мансұрхан Сарварханұлы 1,5 млн теңге алды», - деп хабарлайды Мүфтият.

Ал, өзге аталымдар бойынша жеңімпаздар мен олардың жүлде қоры мынандай болған:

Құранның 20 парасын жатқа оқу бойынша:

• 1-орын (3 000 000 тг.) – Айқын Ақылбекұлы (Астана қаласы);
• 2-орын (2 000 000 тг.) –Нұрислам Фархадұлы (Алматы қаласы);
• 3-орын (1 500 000 тг.) –Рахимәлі Хожаниязұлы (Шымкент қаласы);
• 4-орын (800 000 тг.) –Мұхаммад Хамзаәліұлы (Қостанай облысы);
• 5-орын (500 000 тг.) – Махмұт Жолдасұлы (Шығыс Қазақстан облысы).

Құранның 10 парасын жатқа оқу бойынша:

• 1-орын (1 500 000 тг.) – Мұхаммед-Жүсіп Нұрасылұлы (Алматы облысы);
• 2-орын (1 000 000 тг.) – Омар Махамбетұлы (Батыс Қазақстан облысы);
• 3-орын (750 000 тг.) – Біләл Нәдірұлы (Павлодар облысы).

Құранды мәнерлеп оқу бойынша:

• 1-орын (700 000 тг.) – Нұрмұрат Абдулла (Павлодар облысы);
• 2-орын (500 000 тг.) – Мұсабек Мәделіұлы (Батыс Қазақстан облысы);
• 3-орын (300 000 тг.) – Хабибулла Исмаханұлы (Түркістан облысы).

Сондай-ақ 10 пара бойынша сайысқа түскен ең жас қарилар Ахмет Нұрланұлы (ШҚО, 9 жаста) мен Әбділәзиз Әбдулбасит (Қарағанды облысы, 9 жаста) «Көрермен көзайымы» номинациясымен (300 000 теңгеден) марапатталды.

Жарысқа қатысып, жүлде алмаған үміткерлердің әрқайсы 80 000 теңге жеңіп алған.