Елордадағы №2 аурухананың бас дәрігері коронавирустан қайтыс болды

Нұр-Сұлтанда қалалық №2 көпсалалы аурухананың бас дәрігері Иван Иванович Ли қайтыс болды. Ақпаратты қалалық әкімдіктің баспасөз қызметі растады.

Белгілі болғандай, дәрігер вирус жұқтырған науқастарды емдеймін деп жүріп өзі де ауырып қалған. Оның өліміне коронавирус себеп болды.

«Иван Ли өз ісінің кәсіби маманы. Ол осы күнге дейін көптеген адамның өмірін аман алып қалған білікті жан. Коронавируспен күрес басталған күндерден-ақ ол алғы шептен табылды. Оның отбасы мен жақындарына көңіл айтамыз», - деді әкімдік өкілдері.

Иван Иванович Ли 60 жасқа қараған шағында көз жұмды.