Қазақстанда сотталған 1,5 мыңға жуық адам рақымшылық арқылы түрмеден босап шығатын болды

Қазақстанда қылмыстық рақымшылыққа сай, 16,5 мың адамның жазасы жеңілдейді. Ал, 1,5 мың адам түрмеден босап шығады, деп хабарлайды Azattyq Rýhy.

Бүгін Мәжіліс Мәжіліс «Қазақстан Республикасының жаңа Конституциясын қабылдауға байланысты рақымшылық жасау туралы» заң жобасын және оған ілеспе түзетулерді бірінші оқылымда мақұлдады.

Осы заңға сай, елімізде 16,5 мың адам қылмыстық рақымшылыққа ілінуі мүмкін. Яғни, жазалары жеңілдейді, азаяды немесе толық кешірім алады.

Мәжілістің мәліметіне сүйенсек, нақты 1,5 мың адамның түрмеден босап шығатыны анық.

Айта кетейік, бұған дейін хабарлағынымыздай, Қазақстанда айыппұлы бар 1 млн адам әкімшілік рақымшылыққа ілінуі мүмкін.