Қазақстанда қайтыс болған 151 мың адамның мұрагерлері зейнетақы қорындағы миллиардтаған мұраны алмаған

Бірыңғай жинақтаушы зейнетақы қорындағы 279 041 адамның жеке жинақтаушы шотында 45 млрд теңге жатыр, деп хабарлайды Azattyq Rýhy.

Қор бұл азаматтар зейнетақы қорындағы өзіне тиесілі ақшаны сұратпай жүргенін айтып, ақпарат берді.

«2026 жылдың 1 мамырындағы есеп бойынша, азаматтардың жеке зейнетақы шоттарынан сұралмай жатқан ақша 45 млрд теңгеге жетті. Бұл – зейнет жасына жеткен 279 041 адамның ақшасы», - деп хабарлайды БЖЗҚ.

Дәлірек айтсақ, бұл 279 мың адамның ішінде 155 217 мыңы қайтыс болғандар. Олардың мұрагерлері ақшаны әлі сұратпаған.  61 459 адам басқа елге қоныс аударса да, заңға сай, зейнетақы шотындағы ақшасын алмаған.  62 365 адам зейнет жасына толса да әзірге зейнетақысын алуға өтініш бермеген.