«Фаст-фуд жеп, энергетик ішіп жүр»: Бектенов 1 ақпаннан басталатын шұғыл тексеру туралы еске салды

Премьер-министр Олжас Бектенов балалар мен жасөспірімдердің фаст-фуд өнімдеріне тәуелді болып бара жатқанына алаңдаушылық білдіріп, Денсаулық сақтау министрлігіне мұны тоқтатуды тапсырды, деп хабарлайды Azattyq Rýhy.

«Ақмарал Шәріпбайқызы, балалардың ішіп-жейтін тамағы – маңызды мәселе. Бізде өкінішке қарай, балалар мен жасөспірімдердің көбісі фаст-фудқа, сосын энергетикалық сусындарға құмар. Тіпті кей кезде оған тәуелді болып қалады. Осы қауіпке бәріміз бүкіл ел болып, қоғам болып тойтарыс беруіміз керек. Бұл – өте қауіпті жағдай. Ұсыныс енгізіңіздер», — деді Бектенов Үкімет отырысында.

Премьер-министр 1 ақпаннан бастап  барлық мектепте «тосыннан тексеру» қағидаты бойынша  ерекше бақылау мен қадағалау жүйесі енгізілетінін еске салды. Тексерістер балаларды сауықтыру,  олардың қауіпсіздігі мен  тамақтану мәселелеріне қатысты болады.