Кездесудің егжей-тегжейлі ақпараты сәл кейінірек жарияланады
Мемлекет басшысы Қасым-Жомарт Тоқаев пен АҚШ президенті Дональд Трамп келіссөз жүргізді, деп хабарлайды Azattyq Rýhy Ақордаға сілтеме жасап.
«Кездесудің егжей-тегжейлі ақпараты сәл кейінірек жарияланады», - деп жазылған хабарламада.
Еске сала кетейік, Тоқаев Ақ үйге барған болатын. Президенттің баспасөз қызметі оқиға орнында түсірілген видеоны жариялады.
Қасым-Жомарт Тоқаев алдағы уақытта «Орталық Азия – АҚШ» саммитіне қатысады.
Бұған дейін Президент АҚШ Мемлекеттік хатшысы Марк Рубиомен және Дональд Трамп Әкімшілігінің басқа да өкілдерімен кездесті.