Арман Исетов Сыртқы істер министрінің орынбасары болып тағайындалды

Қазақстан Республикасы Президентінің 2025 жылғы 5 шілдедегі Жарлығымен Арман Аскарұлы Исетов ҚР Сыртқы істер министрінің орынбасары қызметіне тағайындалды. Бұл туралы ақпаратты Ақорда жариялады, деп хабарлайды Azattyq Rýhy. 

«Мемлекет басшысының өкімімен Арман Аскарұлы Исетов Қазақстан Республикасының Сыртқы істер министрінің орынбасары болып тағайындалды», – делінген хабарламада.

Арман Исетов кім?

Арман Исетов 1975 жылы 17 желтоқсанда Қостанай облысында туған. 1998 жылы әл-Фараби атындағы Қазақ ұлттық университетінің халықаралық құқық мамандығы бойынша тәмамдаған.

Дипломатиялық мансап жолы

Арман Исетов ҚР Сыртқы істер министрлігінде 1998 жылдан бастап еңбек етіп келеді. Оның мансап жолы келесідей кезеңдерден тұрады:

• 1998–1999 – келісім-шарттық-құқықтық басқарманың референті
• 1999–2004 – Халықаралық құқық департаментінің түрлі лауазымдарында
• 2004–2008 – Қазақстанның БҰҰ жанындағы Тұрақты өкілдігінің бірінші хатшысы (Нью-Йорк)
• 2008–2009 – Көпжақты ынтымақтастық департаменті басқармасының басшысы
• 2009 – Халықаралық құқық департаменті директорының орынбасары
• 2012–2018 – Халықаралық құқық департаментінің директоры
• 2018–2022 – Қазақстанның БҰҰ жанындағы Тұрақты өкілінің бірінші орынбасары (Нью-Йорк)

Елшілік қызметі мен жаңа тағайындау

2022 жылдың сәуірінен бастап 2025 жылдың шілдесіне дейін Арман Исетов Таиланд Корольдігіндегі Қазақстанның Төтенше және Өкілетті Елшісі қызметін атқарды. 2025 жылдың шілдесінде ҚР СІМ басшысының орынбасары болып бекітілді.