Э. Рахмон Қасым-Жомарт Тоқаевқа ізгі тілектері мен сәлемін жеткізді
Тәжік тарапының шақыруымен Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Тәжікстан Республикасына ресми сапармен барды, деп хабарлайды Azattyq Ruhy ҚР сыртқы істер министрлігінің баспасөз қызметіне сілтеме жасап.
Сапар барысында ҚР сыртқы саяси ведомствосының басшысы М. Нұртілеуді Тәжікстан Республикасының Президенті Эмомали Рахмон қабылдады.
«Тәжікстан көшбасшысы екі елдің екіжақты форматта да, халықаралық өңірлік ұйымдар шеңберінде де өзара іс-қимылының нәтижелі сипатын ерекше атап өтті», - делінген хабарламада.
Қазақ-тәжік қарым-қатынастарының одақтас деңгейі расталды.
Э. Рахмон Қазақстан Республикасының Президенті Қасым-Жомарт Тоқаевқа ізгі тілектері мен сәлемін жеткізді.