Мәскеуде Тоқаев пен Путин жоғары деңгейде келіссөз жүргізіп жатыр

Автор: Azattyq Rýhy

Онда екі ел арасындағы көпжоспарлы стратегиялық серіктестіктің даму перспективалары қарастырылмақ

Фото: ашық дереккөзден

Бүгін Мәскеуде Қазақстан Президенті Қасым-Жомарт Тоқаев пен Ресей Президенті Владимир Путин жоғары деңгейде келіссөз жүргізіп жатыр, деп хабарлайды Azattyq Rýhy.

Бұл туралы Президенттің баспасөз хатшысы Берік Уәли өзінің Facebook парақшасында жазды. 

"Келіссөз барысында екі ел арасындағы көпжоспарлы стратегиялық серіктестіктің даму перспективалары қарастырылады. 

Кездесу қорытындысы бойынша мемлекеттер басшылары бұқаралық ақпарат құралдарының өкілдері үшін бірлескен мәлімдеме жасайды.

Бұл шара Нұр-Сұлтан уақыты бойынша шамамен 18:00-ден кейін «Хабар24» телеарнасынан тікелей эфирде көрсетіледі", – деп жазды Берік Уәли.