Елбасы Қауіпсіздік кеңесінде бірқатар ауыс-түйіс жасады

ҚР Қауіпсіздік кеңесі Төрағасының шешімдерімен басқа жұмысқа ауысуларына байланысты:

• Русланбек Кеңесбекұлы Бекжігітов ҚР Қауіпсіздік кеңесінің қауіпсіздіктің жалпы мәселелері бөлімінің меңгерушісі қызметінен;
• Ерлан Сатыбайұлы Абдақасов ҚР Қауіпсіздік кеңесінің ахуалдық орталығының меңгерушісі қызметінен босатылды.

Олардың орнына:

• Расул Қабдоллаұлы Оразғұлов ҚР Қауіпсіздік кеңесінің қауіпсіздіктің жалпы мәселелері бөлімінің меңгерушісі қызметіне;
• Данияр Нұрашұлы Есин ҚР Қауіпсіздік кеңесінің ахуалдық орталығының меңгерушісі қызметіне тағайындалды.

Қауіпсіздік Кеңесі мемлекеттік органдар мен ұйымдардың, құқық қорғау және арнаулы мемлекеттік органдардың елдің ұлттық қауіпсіздігі мен халықаралық ұстанымдарын, мемлекеттің қорғаныс қабілетін, заңдылық пен құқықтық тәртіпті қамтамасыз ету саласындағы іс-шараларды іске асыру жөніндегі қызметін үйлестіреді, сондай-ақ заң жобаларын талдайды және өз құзыреті шеңберінде нормативтік құжаттардың орындалуын бақылайды.