Ақтауда жол апатынан 3 жасар сәби көз жұмды

Ақтауда болған жол көлік оқиғасынан 3 жасар сәби қайтыс болды деп хабарлайды Маңғыстау облыстық Полиция департаментінің баспасөз қызметі.

Жүргізуші жылдамдықты асырып, салдарынан тізгінге ие бола алмай қалған және артынша темір қоршауға соғылған. Бұл сәтте көлікте жүргізушіден бөлек сәби мен оның ата-анасы болыпты. Ересектер айтарлықтай жарақат алмағанымен, кішкентай бала ауыр жараланып, оқиға орнында қайтыс болды.

Жүргізуші аталған отбасының танысы болған. Алкогольді ішімдік ішпеген және Орал қаласынан келген отбасылық жұпты күтіп алып, туыстарына жеткізіп тастамақ болған. Енді ол бала өлімі үшін 5 жылға сотталуы мүмкін.