Кездесу қорытындысы бойынша 14 құжатқа қол қойылмақ
Ташкентте Шанхай ынтымақтастық ұйымына мүше елдердің Үкімет басшылары кеңесінің отырысы өтіп жатыр, деп хабарлайды Azattyq Rýhy.
Үкімет басшыларының кездесуіне ҚР Премьер-Министрі Асқар Мамин қатысуда. Ол сондай-ақ, Өзбекстан Республикасының президенті Шавкат Мирзиеевпен кездесу өткізіп, сондай-ақ, Ауғанстан премьер-Министрі Абдулла Абдулламен келіссөздер жүргізді.
Кездесуде ШЫҰ елдерінің Үкімет басшылары көп жақты форматта сауда-экономикалық, гуманитарлық ынтымақтастықтың дамуы, инвестиция, көлік, өнеркәсіп, қоршаған ортаны қорғау, ауыл шаруашылығы, цифрландыру мәселелерін талқылады. ШЫҰ ҰБК отырысында ШЫҰ мүше мемлекеттерінің сауда-экономикалық және инвестициялық салалардағы одан әрі өзара іс-қимылының келешегі мен өзекті мәселелерін талқылануда. Кездесу қорытындысына орай, сауда, ауыл шаруашылығы, экология, цифрландыру, транзит және көлік салаларында қатысты бірқатар құжатқа қол қойылмақ.