Сауд Арабиясынан тағы 640 қазақстандық елге оралды

Бүгін кешке Жиддандан Ақтауға тағы бір рейс ұшады

Фото: Air Astana

Air Astana компаниясы Сауд Арабиясынан 640 адамды Қазақстанға әкелді, деп хабарлайды Azattyq Rýhy.

Азаматтық авиация комитетінің мәліметіне сүйенсек, олар 3 наурыздан 4 наурызға қараған түні Медина-Атырау, Медина-Ақтау және Жидда-Атырау арасындағы тікелей рейстерімен ұшып келген.

«4 наурызда ҚР Сыртқы істер министрлігімен бірге Жидда-Ақтау-Алматы және Жидда-Атырау-Алматы бағыты бойынша тағы екі рейс ұшады деген жоспар бар. Жиддадан Ақтауға рейс сағат 18:00-де ұшып шығып, Ақтауға 01:05+ ұшып келеді, Алматыға 06.05+ ұшып келеді. Жиддадан Атырауға сағат 20:45-те ұшып шығып, Атырауға 05:05+ ұшып келеді, Алматыға 09:55+ ұшып келеді», - деп хабарлайды комитеттің баспасөз қызметі.

Мақалада

#Air Astana #Таяу Шығыс

Алдыңғы жаңалық

Тоқаев энергетика министрі Ерлан Ақкенженовті қабылдады