Ол жарты ай бойы қаладағы бірнеше сауда орнынан алкоголь өнімдерін ұрлап келген
Ақтау қаласының тұрғыны жарты ай бойы бірнеше дүкеннен алкоголь өнімдерін ұрлап келген, деп хабарлайды Azattyq Rýhy.
Маңғыстау облысы полиция департаментінің хабарлауынша, облыс орталығының тұрғыны шамамен жарты ай бойы қаладағы бірнеше сауда орнынан алкоголь өнімдерін ұрлап келген.
Камералар арқылы жасалған видеоқұжаттар бойынша ер адамның әрекеттері анықталды, ал дүкен иелері құқық қорғау органдарына жүгінген.
Полиция қызметкерлері 27 қыркүйек пен 15 қазан аралығында күдікті әртүрлі сауда орнында «тегін» алкоголь алу үшін барғанын анықтап, ұстады.
Тергеу барысында күдіктінің дүкендерден тауар ұрлаудың 14 фактісіне қатысы бар екені дәлелденді.
«Оның әрекеттері жүйелі, әдейі және барған сайын қатаң сипатта болғандықтан, қылмыс ауыр саналып, ҚР ҚК-нің 188-бабының 3-бөлігі – ұрлық бойынша қылмыстық іс қозғалды, – деп хабарлады Маңғыстау облысы полиция департаментінің баспасөз қызметі.
Күдікті ұсталып, уақытша ұстау изоляторына қамауға алынды.