Қазақстанның тоғыз қаласында ауа сапасы нашарлайды

Бүгін, 15 қарашада, Қазақстанның тоғыз қаласында жағымсыз метеорологиялық жағдайлар күтіледі, деп хабарлайды Azattyq Rýhy «Қазгидромет» деректеріне сілтеме жасап.

Қолайсыз метеожағдай жарияланған қалалар: Алматы, Астана, Атырау, Ақтөбе, Ақтау, Шымкент, Қарағанды, Теміртау, Өскемен.

Бұл қалаларда ауадағы зиянды заттардың шоғырлануын күшейтетін метеорологиялық факторлар қалыптасуы мүмкін.

Қолайсыз метеожағдай деген не?

Қолайсыз метеожағдай – бұл тотығу, инверсия, тұман, әлсіз жел сияқты қысқа мерзімді метеофакторлардың жиынтығы.

Осындай жағдайда:

• зиянды шығарындылар таралмай, жер бетіне шоғырланады;
• ауа сапасы күрт төмендейді;
• тұрғындардың тыныс алу жүйесіне жүктеме артады.

Қауіпті топтар: демікпе, өкпе және жүрек-қан тамыр аурулары бар адамдар; аллергиясы бар азаматтар; балалар мен қарттар.

Тұрғындарға ресми ұсыныстар

Қолайсыз метеожағдай кезінде мамандар:

• Ашық аспан астында ұзақ жүрмеуге;
• Автокөлік көп жүретін көшелерден аулақ болуға;
• Жаттығуларды үй ішінде өткізуге;
• Қажет дәрілерді өзіңізбен бірге алып жүруге кеңес береді.

Ал автокөлік жүргізушілерінен ауа сапасын төмендететін қажетсіз қозғалысты азайту сұралады.