Әйел дәрігерлерге тапсырылды
Өскеменде түнде Үлбі өзеніне секірген әйелді патрульдік полиция қызметкерлері аман алып шықты, деп хабарлайды Azattyq Rýhy Yk.kz-ке сілтеме жасап.
25 қазан күні түнде қалалық полицияның кезекші бөліміне Славский жағалауында бір әйелдің өзенге секіргені жөнінде хабар түскен.
Оқиға орнына дереу жеткен патрульдік экипаждың бірі суға үрейсіз түсіп, әйелге қарай жүзіп барған. Қалған тәртіп сақшылары құтқару шеңбері мен арқанның көмегімен екеуін де жағалауға шығаруға көмектескен.
Құтқарылған азаматшаға алғашқы медициналық көмек көрсетіліп, дәрігерлерге табысталды. Қазір полиция оқиғаның мән-жайын анықтап жатыр.
«Төтенше жағдайлар кезінде немесе адамның өміріне қауіп төнгенде бірден 102 нөміріне хабарласу қажет», – деп ескертті құқық қорғау органдары.