Өрттің жалпы аумағы 250 шаршы метр болды
Шымкенттің Нұрсат шағынауданында 25 қазан кешінде отшашу кезінде құрғақ шөпке от тұтанып, өрт шықты, деп хабарлайды Azattyq Rýhy Otyrar.kz-ке сілтеме жасап.
Төтенше жағдай 23:42-де тіркелген. Оттың шығуына мерекелік отшашудың ұшқындары себеп болғаны айтылады.
Өрттің жалпы аумағы — 250 шаршы метр.
Қалалық ТЖД мәліметінше, өртті сөндіруге 18 өрт сөндіруші, 4 арнайы техника жұмылдырылған.
Өрт 23:50-де толық сөндірілді. Зардап шеккендер жоқ.