20 қазанда Қазақстанның бірнеше өңірінде қар жауады

«Қазгидромет» синоптиктері 2025 жылғы 20 қазанға арналған ауа райы болжамын ұсынды, деп хабарлайды Azattyq Rýhy. 

Елдің батысында жаңбыр, солтүстігінде қар жауады

Дүйсенбі күні еліміздің батысында жаңбыр, ал солтүстік пен шығыста — жаңбыр мен қар аралас жауын-шашын болады.

Сонымен қатар оңтүстік пен оңтүстік-шығыстың таулы аймақтарында да аздаған жауын-шашын болжанады.

Ал елдің қалған өңірлерінде күн ашық әрі жауын-шашынсыз өтеді.

Бірнеше өңірде жел күшейіп, тұман түседі

Синоптиктердің айтуынша, республика бойынша жел күшейеді, ал солтүстікте және оңтүстік-шығыстың таулы өңірлерінде тұман түседі.

Түнде Түркістан, Алматы және Қызылорда облыстарының таулы аймақтарында үсік жүреді.

Солтүстікте ауа температурасы нөлден төмен түсіп, -2°С-қа дейін төмендеуі мүмкін.

Өрт қаупі жоғары өңірлер

«Қазгидромет» дерегінше, 20 қазанда бірқатар облыста өрт қаупі жоғары болады:

Маңғыстау, Атырау, Ақтөбе, Жамбыл, Кызылорда, Алматы, Қостанай, Ақмола және Ұлытау облыстарының кей аймақтарында жоғары өрт қаупі болжанды; Ал Қызылорда, Түркістан және Батыс Қазақстан облыстарында – өрт қаупі өте жоғары деңгейде сақталады.