Моңғолияның премьер-министрі небәрі төрт айдан кейін жұмысынан қуылды
Оған жемқорлыққа қатысы бар деген айып тағылды
Моңғолияның премьер-министрі Гомбожавын Занданшатар небәрі төрт айдан кейін отставкаға кетті, деп хабарлайды Azattyq Rýhy агенттігі ABC News басылымына сілтеме жасап.
Моңғолия парламенті билеуші Халық партиясы ішіндегі билікке талас кезінде премьер-министрді қызметінен босату туралы шешім қабылдады. Занданшатар бұл лауазымға 2025 жылдың маусымында тағайындалған болатын.
Ол қызметіне кіріскеннен кейін төрт ай өтпей жатып отставкаға кетті. Премьер-министрдің қарсыластары оны орнынан алу туралы қарарды қабылдатуға қол жеткізді.
«Занданшатарың орнына кім келетіні және оның өз қызметінен босатылуына қарсы шығатыны әзірге белгісіз. Қазіргі таңда ол жаңа үкімет басшысы тағайындалғанға дейін премьер-министр міндетін уақытша атқарады.
Бұл саяси дағдарыс ел үшін маңызды кезеңде болып отыр: келер жылдың бюджеті әлі бекітілмеген, мұғалімдер жалақыны көтеруді талап етіп, ереуілге шықты, енді дәрігерлер де осындай қадамға баруы мүмкін», — делінген жарияланымда.
Билеуші партия ішіндегі алауыздық Занданшатар партия жетекшілігі сайлауында Амарбаясгаланнан жеңілген соң басталған. Премьер-министрдің жақтастары оны көмір өнеркәсібіндегі сыбайлас жемқорлыққа қатысы бар деп айыптап, бұл мәселе бойынша үкіметтік тергеу басталды.
