Павлодар облысында аң аулауға кеткен ағайынды екі ер адам жоғалып кетті

Олар 14 қазаннан бері байланысқа шықпаған

Фото: «Vita» еріктілер тобы

Павлодар облысында Солнечный ауылынан аңшылыққа кеткен ағайынды екі ер адам жоғалып кетті, деп хабарлайды Azattyq Rýhy.

Pavon.kz мәліметінше, Вячеслав және Николай Лукьянцевтерді іздеу жұмысы «Vita» еріктілер тобының көмегімен жүргізіліп жатыр.

«Қарағанды тасжолының бойында екі аңшы жоғалып кетті. 10 қазан күні олар Солнечный ауылынан S494VSM нөмірлі Lada Niva көлігімен аңшылыққа шыққан. Өздерімен қайығы болған. 14 қазаннан бері олармен байланыс үзілген, телефон нөмірлері сөндірулі. Екеуі де хаки түсті киім киген», – делінген хабарламада.

Қазіргі уақытта ер адамдарды полиция мен еріктілер іздестіруде.

Мақалада

#аңшы мылтығы #аңшылық #адам жоғалу #жоғалған адам

Алдыңғы жаңалық

Павлодар облысында әкім мотоцикл мінген жас жігітті боқтаймын деп басы дауға қалды