БҚО-да үй салып жүрген шетелдіктерді полиция елден қуып шығарды

Батыс Қазақстан облысында көші-қон саласына қатысты 60 әкімшілік құқық бұзушылық анықталды, деп хабарлайды Azattyq Rýhy.

Оның ішінде:

• шетелдіктер мен азаматтығы жоқ адамдар тарапынан – 31 дерек;
• шетел азаматтарын қабылдаған жеке тұлғалар бойынша – 23 заңбұзушылық;
• шетелдік жұмыс күшін заңсыз тартудың – 6 фактісі.

10 шетелдік елден шығарылды

Көші-қон ережелерін өрескел бұзған 10 шетел азаматын елден шығару туралы сот шешімдері қабылданды.

Полиция бақылауды күшейтті

БҚО полиция департаменті көші-қон саласындағы бақылауды күшейтіп, заңсыз әрекеттердің алдын алу бағытындағы жұмыстарды тұрақты түрде жалғастыратынын мәлімдеді.