Астанада жыл басынан бері жол апатынан 30-ға жуық адам қаза болды

Астанада жыл басынан бері 1532 жол-көлік оқиғасы тіркеліп, 28 адам қаза тапты, 1899 адам жарақат алды, деп хабарлайды Azattyq Rýhy.

Қалалық Полиция департаментінің мәліметінше, жол қозғалысы қауіпсіздігін арттыру мақсатында 1,3 млн-нан астам құқық бұзушылық анықталды. Оның ішінде мас күйінде көлік жүргізу, жаяу жүргіншілер мен жүргізушілер тарапынан ережені өрескел бұзу деректері бар.

«Қоғамдық көліктердің техникалық жағдайы мен жүргізушілердің медициналық тексерісі қатаң бақылауға алынған.

Полиция департаменті жолдағы тәртіп пен тұрғындардың қауіпсіздігін қамтамасыз ету жұмысын тұрақты бақылауда ұстап отыр», – делінген ПД хабарламасында.