Мысалы, биыл 25 орынға арналған аурухана ашылады
Қызылорда облысының Арал ауданында мемлекетке қайтарылған активтер есебінен алты әлеуметтік нысанның құрылысы жүргізіліп жатыр. Бұл жобалар денсаулық сақтау және сумен жабдықтау салаларын дамытуға бағытталған, деп хабарлайды Azattyq Rýhy.
Биыл 25 орындық жұқпалы аурулар бөлімшесі мен аудандық көпбейінді орталық аурухананың қосымша ғимаратының құрылысын аяқтау жоспарланып отыр.
Арал ауданының прокуроры мен аудан әкімінің орынбасары «Заң мен Тәртіп» қағидаты аясында нысандардың құрылыс барысымен танысты.
Прокуратура органдары құрылыс жұмыстарының сапасы мен мемлекеттік қаражаттың мақсатты пайдаланылуын бақылауда ұстап отыр.