Өзбекстанның сыртқы қарызы 72 млрд долларға жетті: жарты жылда 8 млрд долларға өскен

Өзбекстанның сыртқы қарызы 2025 жылдың бірінші жартыжылдығында 72,2 млрд АҚШ долларына жетті. Бұл өткен алты аймен салыстырғанда 8,1 млрд долларға (+12,1%) артық. Бұл туралы Gazeta.uz басылымы жазды, деп хабарлайды Azattyq Rýhy.

Негізгі өсім корпоративтік сектор есебінен

Мәліметке сәйкес, сыртқы қарыздың:

• мемлекеттік бөлігі – 36,8 млрд доллар;
• корпоративтік (жеке сектор) қарызы – 35,4 млрд доллар.

Қарыздың ең үлкен өсімі жеке компаниялар мен банктердің сыртқы зайымдары есебінен болған.
Атап айтқанда, UzAuto Motors, «Узбекнефтгаз», Ұлттық банк, Uzpromstroybank және басқа да мемлекеттің қатысы бар ұйымдар халықаралық нарықтан облигациялар шығарып, миллиардтаған доллар тартқан.

2020 жылдан бері мемлекеттік қарыз 72%-ға, жеке қарыз 3 есеге өскен

Салыстырмалы түрде 2020 жылмен салыстырғанда:

• мемлекеттік қарыз 72%-ға,
• корпоративтік қарыз 2,8 есе артқан.

Жалпы, Өзбекстанның сыртқы қарызы 2020 жылмен салыстырғанда 2,1 есеге ұлғайған.

Аймақтағы көрсеткіштермен салыстыру

Өзбекстан бүгінде Орталық Азияда сыртқы қарыз өсімінің ең жоғары қарқынын көрсетіп отыр.

Салыстыру үшін:

• Қырғызстанда өсім – +41,3%,
• Қазақстанда – +5,4%,
• Тәжікстанда – +6%.

Сарапшылар не дейді

Өзбек билігі сыртқы қарыздың ұлғаюын инвестициялық қажеттілікпен байланыстырып отыр. Вице-премьер, экономика және қаржы министрі Жамшид Кучкаров ел экономикасы өсіп келе жатқанын және сыртқы инвестицияларсыз ірі жобаларды жүзеге асыру қиын екенін айтқан.

2024 жылы Өзбекстанның сыртқы қарызының үлесі ЖІӨ-нің 55,7%-ына жеткен (2023 жылы – 51,9%).