Бұл шара балалардың достық қарым-қатынасын нығайтуға көмектеседі дейді ол
Мәжіліс депутаты, AMANAT партиясы фракциясының мүшесі Елнұр Бейсенбаев балалардың қауіпсіздігіне қатысты депутаттық сауал жолдады, деп жазады Azattyq Rýhy.
«Бала – біздің болашағымыз. Олардың қауіпсіздігі мен тәрбиесіне, алаңсыз білім алуына жағдай жасау – ортақ міндетіміз. Осы бағытта мемлекетіміз тарапынан атқарылып жатқан істер аз емес. Президент Қасым-Жомарт Тоқаевтың тікелей тапсырмасымен соңғы екі жылдың өзінде балалардың қауіпсіздігі мен құқығын қорғауға бағытталған кешенді шаралар қолға алынды. Заңдар қабылданды, бағдарламалар әзірленді. Алайда, соған қарамастан балалар мен жасөспірімдер арасында құқықбұзушылықтар мен ауыр қылмыстар толастамай отыр», - дейді ол.
Депутаттың айтуынша, бір ғана Жамбыл облысында жаңа оқу жылы басталғаннан бері жасөспірімдер арасында үш қайғылы жағдай орын алып, үш жасөспірім қаза тапқан.
«БАҚ деректеріне қарағанда, Тараз қаласындағы мектептің бірінде 9 сынып оқушысы қатарласымен төбелесіп, дәретханада көз жұмған. Көп ұзамай Жамбыл облысының Шу ауданында да қарапайым футбол ойыны кезінде туған жанжал салдарынан 10-сынып оқушысы қатарласы тарапынан соққыға жығылып, қаза тапты. 1 қыркүйекте колледжге енді түскен оқушы өз қатарласын пышақтап өлтірген. Бас-аяғы 15 күннің ішінде бір ғана өңірде 3 бірдей оқушының кісі қолынан ажал құшуы – дабыл қағарлық жағдай», - дейді ол.
Депутат атап көрсеткендей, ресми статистика мәліметтері де алаң тудырып отыр.
«Мәселен, 2024 жылы жасөспірімдердің қатысуымен орын алған 1 973 қылмыс тіркелген. Оның ішінде 130-ы аса ауыр қылмыс. Ал биыл сегіз айда 938 қылмыс тіркелген. Жасөсіпірімдер арасындағы қылмыстар бойынша жылдық көрсеткіш өткен жылдан да асып кетуі мүмкін. Әсіресе, бұл Шымкент (131), Алматы (115) және Астана (92) қалаларында өршіп отыр. Аталған оқиғалар – жеке бір мектептің немесе бір өңірдің ғана емес, қоғамымыздағы тәрбие ісіндегі олқылықтардың көрінісі. Мектептерде білім сапасына басымдық берілгенімен, тәрбие жұмысы көбіне қағаз жүзінде қалып отыр. Соның салдарынан оқушылар арасында өзара сыйластық, жанжалды бейбіт жолмен шешу дағдысы жеткілікті деңгейде қалыптаспай келеді», - дейді депутат.
Ол атағандай, бұндай жасөспірімдердің арасында психологиялық дағдарыс бар.
«Бүгінде балалардың өз ашу-ызасы мен эмоциясын басқару қабілеті төмен. Ал мектеп психологтарының саны да, сапасы да бұл мәселені шешуге жеткіліксіз. Ювеналды полиция мен кәмелетке толмағандар істері жөніндегі комиссиялардың жұмысы формалды сипат алып отыр. Ата-ананың баласының тәрбиесіне, оның жүріс-тұрысына, тіпті достарымен қарым-қатынасына дейін жауапкершілігін арттыратын уақыт келді. Бала кәмелеттік жасқа толғанша оның әрбір іс-әрекетіне тікелей ата-анасы жауапты деген міндетті заңнамалық негізде бекітуді тиісті мемлекеттік органмен ойластыруымыз қажет. Бұл ретте, ата-аналардың мектепішілік, мектепаралық іс-шараларға қатысуын күшейткен жөн. Өйткені адамдықтың негізі – отбасындағы тәрбие. Жасөспірімдер отбасындағы немқұрайлықтан, бірінші кезекте ата-ананың бақылауынан кеткенде заң бұзады», - дейді ол.
Бейсенбаев әлемдегі әлеуметтік зерттеулер әлем елдеріндегі мектептер телефонды шектеп жатқанын көрсетті дейді.
«Сондықтан әлемнің дамыған елдерінде мектеп қабырғасында смартфонға шектеу қою трендке айналған. Өйткені бұл процесс балалардың үлгерімінің өсуіне, достық қарыс-қатынасының нығаюына едәуір әсер етеді», - деді ол.
Депутат осыған байланысты келесі шараларды шұғыл қолға алған жөн дейді: