Ол жұптық сында жарысты
Қазақстандық теннисші Жібек Құланбаева Қытайдың Хучжоу қаласында өткен WTA 125 турнирінде жеңімпаз атанды, деп хабарлайды Azattyq Rýhy.
14 қыркүйек күні Құланбаева словениялық серіктесі Вероника Эрьявецпен бірге жұптық сында жарысты. Финалда олар жапондық дуэт — Момоки Кобори мен Аяно Симицумен кездесті.
Қазақстан-словениялық жұп фаворит саналған болатын және бұл мәртебені толық ақтап шықты. Матч небары 1 сағат 5 минутқа созылып, екі сетте аяқталды — 6:4, 6:2.
WTA 125 санатындағы турнирлер — теннистегі беделді жарыстардың бірі. Бұл додаларда жеңіске жету спортшылардың рейтингін көтеріп қана қоймай, халықаралық деңгейде танылуына да жол ашады.
Жібек Құланбаева соңғы жылдары қазақстандық теннистің қарқынды дамуына үлес қосып жүрген спортшылардың бірі.