8,4 млн теңгені орынсыз жұмсаған: Бескөл ауылының әкімі ескертумен ғана құтылды

Солтүстік Қазақстан облысының прокуратурасы мемлекеттік сатып алу саласында заңдылықтың сақталуын қадағалау барысында бірқатар өрескел бұзушылықты анықтады, деп хабарлайды Azattyq Rýhy.

Есіл ауданындағы заңсыздық

ТКШ бөлімінің басшысы мемлекеттік сатып алу заңын бұзып, ауылдық елді мекендерде суды тазартудың кешенді модулін орнатты деген жалған актілерге қол қойған. Нәтижесінде жеткізушіге 31,3 млн теңге заңсыз төленген, алайда жұмыстар іс жүзінде орындалмаған.

Қызылжар ауданындағы жағдай

Бескөл ауылдық округінің әкімі аудан орталығын жаңа жылға безендіру бойынша жұмыстар атқарылмағанына қарамастан, жеткізушіге 8,4 млн теңге көлемінде төлем жасаған.

Жауапқа тартылған лауазым иелері

• Бескөл ауылдық округінің әкіміне – қызметке толық сәйкес еместігі туралы ескерту жасалды.
• Есіл аудандық ТКШ бөлімінің басшысы – қызметінен босатылды.

Сонымен қатар, жергілікті атқарушы органдар қаржылық бұзушылықтарды жою шараларын қабылдады.

Жалпы статистика

Жыл басынан бері прокуратура актілері бойынша мемлекеттік қызметке кір келтіретін теріс қылықтар жасағаны үшін 10 лауазымды тұлға жауапқа тартылды. Оның ішінде:

• 1 адам қызметінен босатылды;
• 9 адамға қызметке толық сәйкес еместігі туралы ескерту берілді.