Қазіргі уақытта күдікті уақытша ұстау изоляторына қамалды
Оралда өткен «Қарасора» жедел алдын алу іс-шарасы барысында полицейлер елордадан келген 21 жастағы жігітті қолға түсірді. Ол саябақтардың бірінде ұсталды, деп хабарлайды Azattyq Rýhy.
Жеке тінту барысында одан ерекше иісі бар ақ ұнтақ салынған 7 zip-пакет, 6 капсула және 4 таблеткасы бар контейнер тәркіленді. Кейін оның жалдамалы пәтерін тексерген полицейлер дәл осындай заттар салынған тағы 85 пакет тапты.
Барлық айғақ заттар заңға сәйкес тәркіленді. Қазіргі уақытта күдікті уақытша ұстау изоляторына қамалды. Оған қатысты қылмыстық іс қозғалып, тергеу жүріп жатыр.