Видео авторының айтуынша, оқиға 10 жыл бұрын болған
Әнші Димаш Құдайбергеннің тойда ән салып тұрған видеосы жарияланды, деп хабарлайды Azattyq Rýhy.
Видеоның бетінде әншінің дауысына қатысты сын жазылған. Видео авторы сол кездегі жұрттың пікірін жариялады.
«2014 жылы адамдар Димаш қыз сияқты ән салады деп күлді», - деп жазады.
Оқиғаға қатысты желі қолданушылары түрлі пікір жариялады.
«Бағалайтын ортада өмір сүріңдер», «Солай айтқандар ұялып отырған шығар», «Енді мұнда «қызыл өрікті» жақсы көретін адамдар отыр», «Алла жолын ашық етіп, өнердің биігіне бір-ақ шықты», «Екі бүлдіршін ырғақпен билеп тұр. Музыкадан хабары болар болашақта. Өткен қателіктен сабақ алайық. Димаш өз орнын тапты», - деп жазды желі қолданушылары.