Зауыт 280 млн теңгеден астам шығын әкелген
Қаржылық мониторинг агенттігі Жамбыл облысында 280 млн теңгеден астам шығын әкелген жасырын спирт зауытын әшкереледі, деп хабарлайды Azattyq Rýhy.
Тергеу дерегінше, ұйымдасқан қылмыстық топтың жетекшісі болған Сұлтан Махмадов лицензиясыз этил спиртін өндіру, сақтау, тасымалдау және сату жүйесін жолға қойған. Кәсіпорын өзін биоэтанол мен мал азығына арналған қоспалар шығаратын зауыт ретінде көрсетіп келген.
Анығында, ЖШС базасында толыққанды спирт зауыты жасақталған. Өндірілген этил спирті Жамбыл, Шығыс Қазақстан облыстары мен Шымкенттегі жасырын цехтарға жеткізіліп, сол жерде халық денсаулығына қауіпті суррогат алкоголь жасалған.
Қаржылық мониторинг агенттігінің мәліметінше, жүргізілген арнайы операция кезінде:
Ұйымдастырушы уақытша қамауға алынып, тергеу амалдары жалғасуда.
Маңызды жайт – Махмадов бұған дейін де ұқсас қылмысы үшін 2010 жылы сотталған. Соған қарамастан, ол қайтадан заңсыз өндіріс құрып, ұйымдасқан топты басқарғаны белгілі болды.