Өнерпаз желідегі оқырмандарымен сырласты
Әнші Роза Әлқожа қызын мектепке дайындауға 150 мың теңге жетпей қалғанын айтты, деп хабарлайды Azattyq Rýhy.
Өнерпаз желідегі оқырмандарына сырын айтып, жаңа оқу жылына қанша ақша жұмсағанын сұрады.
«Өмір сүру деген ең қызық нәрсе иә?! Не боларын білмейсің. Белгісіздік, бірақ алға жүре бересің! Жаратқан берерін тауыспасын!
Оқушыларға киім алып үлгердіңіздер ме? Майда-шүйде деп ала беріп, 150 мың жетпей қалды ғой бір қызға! Сіздер қаншаға алдыңыздар?», - деп жазды әнші.
Желі қолданушылары әншінің сөзін растап, мектепке керек-жарақтың бағасы қымбаттап кеткенін жазып жатыр.
Айта кетейік, оқу-ағарту министрі Ғани Бейсембаев мектептерде 2025-2026 жылғы оқу жылы әдеттегідей 25 мамырда аяқталатынын мәлімдеді. Оқу жылы ұзартылмайды.