Көкшетау қаласының прокурорлары газ тарифін төмендетуге қол жеткізді
Көкшетау қаласының тұрғындары үшін көгілдір отын қымбат бағада сатылғаны анықталды, деп хабарлайды Azattyq Rýhy.
Көкшетау қаласының прокуратурасы газ және газбен жабдықтау туралы заңнамасын сақтау мәселелері бойынша талдау жүргізді. Осылайша, қадағалау ведомствосы қала кәсіпорындарының бірі газды жоғары бағамен жеткізетінін анықтады.
Прокурорлық қадағалау актісі бойынша облыс орталығының жекелеген бөліктерінде газ тарифі 192,14 теңгеге/м3 (691,28 теңгеден 499,14 теңгеге дейін)төмендетілді, осылайша 1,8 мыңнан астам абоненттің құқығы қорғалды.
Кінәлі лауазымды тұлғалар жауапкершілікке тартылды.