Оны туыстары мен полиция үш аптадан бері іздестіріп жатыр
Алматыда қоқыс шығарамын деп ұшты-күйлі жоғалып кеткен 16 жастағы Айдос Ақымбаев іздестіріліп жатыр, деп хабарлайды Azattyq Rýhy.
Желідегі мәліметке сүйенсек, оны туғандары мен полиция 21 күннен бері іздеуде. 28 шілде күні таңғы сағат 10:53-те ол Әуезов ауданы, Мамыр-3 шағын ауданындағы үйінен шыққан.
Жоғалған күні оның киімінде ақ футболка, қара шорты және қою көк түсті крокс-сланец болған.
Сол күннен бері жасөспірімді ешкім көрген жоқ. Полиция жас жігіттің іздестіріліп жатқанын хабарлады.