Қала көшелерін су басты
Алматыда толассыз жауған нөсер жаңбырдан кейін бірқатар көшені су басып қалды. Оқиға орталық аудандарда, оның ішінде Орталық стадион маңында тіркелді. Көшелер бір сәтте су астында қалды, деп хабарлайды Azattyq Rýhy.
Әлеуметтік желіде тараған бейнежазбаларда көліктер су ортасында қалып қойғаны, жаяу жүргіншілердің көшеде жүруі қиындағаны байқалады. Қала тұрғындары жауапты мекемелерден нақты шара қабылдауды талап етіп отыр.
«Қазгидромет» мамандары 4 тамызға дауылды ескерту жариялады.